சாரி டாடி - குறும்படம் பற்றி….

திரைமொழி நேர்த்தியாகக் கையாளப்பட்டிருக்கிறது. வாய் மொழியின் தேவையின்றி காட்சிகளால் அடுக்கப்பட்ட அற்புதமான திரைக்கதை. பின்னணியில் டிவியின் சப்தம் மட்டுமே பயன்படுத்தப்பட்டுக் கொண்டு வந்து, அந்தப் பெண் சட்டைப் பையில் கையை விட்டு எடுத்த உடனே இசையை ஆரம்பிக்கும் நுட்பம் வியக்க வைக்கிறது. பொருத்தமான ஷாட்கள், லைட்டிங், கலரிங் என்று ஒளிப்பதிவும் எடிட்டிங்கும் மிக அருமை. குப்பைத் தொட்டியில் தந்தையின் பாய்ண்ட் ஆஃப் வியூவில் சிகரெட் பாக்கட் காட்டப் படுவது பார்வையாளருக்கு கவனப்படாமல் விடுபட்டுவிடுமோ என்ற மிக அவசியமான தேவை கருதி மீண்டும் ஒரு கட் ஷாட் மூலம் அந்தப் பெண் எடுப்பது சிகரெட் பாக்கட் தான் என்று முழுமைபெருகிறது. ”சாரி டாடி” குறுப்படத்தின் இயக்குநர் அரவிந்த்.ஜி.வி க்கு வாழ்த்துகள்.

படக்காட்சி இணைப்பு  : http://www.youtube.com/watch?v=J7WOOwhAlHA